يـــــــــــــــــا أســــــمر

تاريخے التسجيلے•|~: : 13/11/2010

يا اسمر يا ابو عيون الشهل كلبي الك مرعه وبيتِِ
يلي ملكت كل الحسن للحور كلي شخليت
بالكلب حط بيته الكمر وبكربه بيتك حطيت
الكمر يضوي من الشمس وانت من كيفك ضويت
يا المالك بين البشر ثاني بجماله نقاسيت
عيون عندك راجمه ما صنع منهه السوفيت
وجفون ترفه بلا رمد بيهن الارمد داويت
وجفوف ما شافت شمس جم اسد بيهن لاويت
والليل يغفه ويه الزلف وانت عليهم لوليت
والكاع تتبارك اذا دست وعليهه تمشيت
والماي يتحول عسل لو اله شفافك مديت
والزمن طخ راسه الك وانت ابد ما طخيت
ومن تفتح ازرار الصدر يتهزهز بكبره الميت
ممرود كلبي بوجنتك وبدمه انت حمريت
صرت انت ديني ومذهبي وبجامع الحب صليت
يا ريحة امي وبس الك اجمل قصائد غنيت
يندهني طيفك لو نمت اكعد واكله شتاكيت
سفان وعيونك بحر وشراعي حبك خليت
اتمنه اعيشن للابد وياك اني تمنيت
ووديت على صدرك موتتي وتدفني بيدك يا ريت
ابقه الك مخلص وفي حتى لو اني توفيت

شكرآ حبي على الموضوع الرائع من عضو اروع

دوم نحو الامام انشاء الله

من تقدم الى اخر

تحياتي

ودي