اكره كل جرح بس جرحك اتحداه

تاريخے التسجيلے•|~: : 09/12/2011 العمےر•|~: : 43

اكره كل جرح بس جرحك اتحداه
اذا دك بابي مره وماتلكيته

وجبته بحياتي كتله صير انسان

اخذ مني الحياة وبقه بوحشيته

طبع كلبي الكرم بس للئيم انطيت

وكالولي شكثر وانه ادري حسيته

بس بعناد روحي مدري ويه الناس

بنص كلبي جرح كل عقلي ربيته

سئلو عن ندبته هواي عندي اصحاب

كلت لا كلشي ماكو وكلشي ضميته

لان جرحي الي بس انه الاتحداه

ومن كد مااحبه بكلبي حطيته

سلمتك امانه احساسي عود اسكيه

تره كتلة مشاعر الك سويته

مادري الخذك مني ما سأل ماضيك

مانصحته الوادم لايمس صيته

حصتي ومو نصيبه الله لاينطيه

شمعه انته بحياتي شجابهه لبيته

حسبالك تهزني من تغازل بيه

حبيبك وبحظن دفاني دفيته

نفس سوالفي تسولفهن انته وياه

بنفس ذيج الاسامي كبالي ناديته

روحك صار غيري من شوكت متكول

جا دم الجمعنه لوين وديته

وشكلك ماتهزني وعود اكابر عود

وابلع ريك عيني المطر بجيته

اضحك بس جذب متهستر من الصار

شكو ابالك جرح ياجرح عانيته

شكو ابالك مراره بدمي تجري اليوم

مثل ماتجري هسه انته بعبوديته

تحبه وماتحبني شبالعجل حبيت

ماتحجيلي بالله شلون حبيته

اعرف بيك صخره كل عطف مابيك

بس بغضا بحبي ولف سميته

شغلة ماده لو مصلحه واطماع

هيج اكتسب عقدك مهر شرعيته

كبل موجنت ناعم ليش تحظن شوك

الورد بالصحرا يفقد كل جماليته

شجالك غيرت كل الخصال شبيك

الشخص يصبح عدم لو فقد شخصيته

صفت هيج الجزه تضحيتك انته تخون

وانه كلبي عليك انسان تضحيته

عاشت ايدك حبي تحسين

موضوع ولا اروع

تحياتي

عـــــاشت الايادي