انت خويي لومال الوكت ما مال
يربطني بيك الوفه لا مصلحه ولا مال
انساك لحظه من الوكت لا غدر ولا اهمال
وخوتك فخر يا منبع الخويه...
شخلص ياوكت وشوكت شفتاك
وما شفت فرح بيوم شفتاك
الحجي سم يخايب طلع من شفتك
اتعلم الطيب واحجي عليه...
حسافه الوكت من عندي بعدكم
وصرت ما شوف بعيوني بعدكم
اريد اسأل تحبوني بعدكم
لان حبكم يداوي جروح بيه
ردم وجهي التراب وكمت عناي..
الك يالسافرت عني ومشيت عناي..
افز فزة حيايه البين عناي..
بحلم لو مر صدى صوتك عليه
اخذ قلب اليحبك انت قصه
غرام الناس قصه وانت قصه
عليك اكتب قصيده وانت قصه
وتظل محبتك زرع مرزوع بيه