بعد ماظل حجي وتعاتب اوياك
اتضح كلشي وشفت وجه التصاوير
تغير ملكه وجهك والفرح راح
من شفت الصور مابيهه تعبير
انتهت قصه غرامك والسبب بيك
وتعرف ما بدر من عدي تقصير
اذا غيمت لسانك تحجي بصيف
بعد شسولف باذن النوا.........
تعرف احساسي خشبه وصرت منشار
ويا خشبه التود حظن المناشير
ازعل جي صرت صبوره احزان
بغدرك كتبت اشكال الطباشير
م امن ورق ودري الحرس نار
ولا كلك ايصير وادري مي يصير
وما املك وكلك باجر انعود
وتفيض اشواكنه وتمشي الشخاتير
يبست الغصن زعلت الاشجار
بعد ما كضت جايب عش عصافير