اكبر جذبه عندي
فديوم اني وصحباني اثنين يعني صرنه 3 دنتمشه بالغابه (القناة) لكينه ماسه جبيره وزنهه كيلو عاد اتعاركنه عليهه كل واحد ايكو اليه وره مده اصغيره من الوكت فات رجال جبير من يمنه كال شنو السالفه كلناله كيت اوكيت كال سهله اطونياهه اوكل واحد ايسولفلي قصه اني كلتلهم ما اعرف اجذب اشلون كالو مشكلتك المهم اتفقنه المهم دخلناله واحد واحد اول واحد وهو صاحبي احمد فاتله قص السالفه مالته وهي فد يوم سوو عزيمه جبيره عزمو العالم بس الجداري مال اكل (مواجييل) جانت عرضهه 20 متر اب..20 متر اليطبخون 100 واحد اومكفه الاكل. كله الوالي خوش جان يطلع ؟؟؟ فات الثاني اوهوه هم صاحبي احمد الاخ قص السالفه مالته وهيه كالاتي ايكول جان عندي 1000 دجاجه كل دجاجه اتبيض 3 بيضات باليوم وره مده خله احدى الدجاجات اتكرك(تحضن البيض عمود تتطلع الكتاكيت) خله 100 بيضه جواهها وره 11 يوم طلعن الكتاكيت كلهن عايشات؟؟؟؟ طلع صاحبي فتت اني اني شنو جنت الوحيد بيهم عود فقير بيهم ما اعرف اجذب اومن البدايه كلتلهم المهم فتت كتله ياعمي ما اعرف اجذب كال يسقط حقك كتله اوكفلي اشويه جنت بالعزيمه مال صاحبي خوش اكل طابخين المهم اكلت تمر ةالكع نضيفه جانت حطيت النوه ابجيبي اوطلعت رحت يم صاحبي شفت الكتاكيت مالته اخذت منه واحد للجهال وره يومين طلعت حبايه ابركبت الكتكوت وديده للطبيب نظفهه جان ايصير بيهه فتحه كال اطيني اي شي اخليهه بيه انطيته النوايه مال تمر اخذته اورجعت لبيت والكتكوت ايكمز وره مده طلعت النخلايه والكتكوت بعده ايكمز وره مده كبرت النخله اوصارت فسيله والكتكوت بعده ايكمز صارت نخله اوحملت تمر والكتكوت بعده ايكمز لحك التمر والكتكوت بعده ايكمز فرد يوم كلت خل اصعد اجيب التمر صعدت عالنخله والكتكوت بعده ايكمز وصلت للتمر جان اشوفلك بستان جبير فتت بالبستان الي عالنخله والكتكوت بعده ايكمز شفتلك مزرعه بيهة ركي عجبني الركي طلعت السجينه دا اكص الركيه اشو السجين ضاعت بالركيه والكتكوت بعده ايكمز فتت بالركيه دا اجيب السجينه ويه مفتت اجاني جيش مال نوه ؟؟؟لهنا الرجال الجبير صاح بيه كال هاي انته عود متعرف الجذب دكافي عاد هاك الماسه اوخلصنه اولهنا تخلص القصه مالتي