تكلي احجي وشحجي اني وياك
وحاير بلحجي امنين ابدي
ما خليتلي شي بعد ينكال
عن طريقي حيل ابتعدي
اشتريد احجيلك حته ترتاح
اكلك كلهه وياي وبس انته ضدي
لو اسئلك ليش تتركني وتروح
وتكسره ابضحكه واكول اتعدي
لو اكلك ليش خنتني ولك
اني وياك كلشــــي ما عندي
مرات اكول انساك واروح
وافز عليك ابنص حلم وردي
واكعد ملهوف ومبلله اعيوني
وصدفه الكه اعيوني التندي
لا مو صدفه هاي الحقيقه وياك
من غدرك الدمع حفر خدي
واصفن واغفه بهمومك انته
وافرش اجروحي واتغطه ابردي
كافي تره هيجت الجروح
ولهل موضوع اترجاك سدة
روح وجرب حب جديد
وشوف الحب اشلونه من بعدي
تحياتي الى من دمر حياتي